اتجوزوا الناس الصح

اتجوزوا ناس بتبتسم على الصبح، ناس بتحب الكتب والمزيكا والقهوة، اتجوزوا ناس هادية وفاهمة، ناس بتسمع أكتر ما بتتكلم.

اتجوزوا ناس بسيطة وواضحة، ناس معندهاش أسرار، ولا بخل في الفلوس والمشاعر.  اتجوزوا ناس شقيانة وبتشتغل، ناس اتبهدلت في حياتها قبل ما تقابلك، ناس اتاخد منها حاجات كتيرة، وناوية تحتفظ بيك.

اتجوزوا ناس فاهمة نفسها، وعارفة طرقها، ناس مش غامضة، ومشاعرها غامضة وحياتها كتاب نصه محروق، اتجوزوا بشر مش أمراض نفسية ماشية على رجلين. 

اتجوزوا الأمان والثقة، اتجوزوا ناس روحها حلوة، مش شكلها بس، اتجوزوا ناس كلامها مبهر، ووجودها مبهر.

اتجوزوا ناس تحصركم بحبها، وتأسركم بجمال روحها، اتجوزوا ناس بريئة مش مجرمة.

من الأخر..... اتجوزوا الناس الصح.