هي مش جوازة والسلام

شبكتك هتتشال في الدولاب، وفرحك هيخلص في ساعتين ومحدش هيفتكره، وفستانك هيترمى في نفس الدولاب، ومكياجك هيختفي مع أول رشة ماية على ملامحك كل ده بيروح مع الوقت ومش هيفضل غير  الحد اللي اختارتيه يبقي شريك حياتك ، اختاري اللي شبهك ودمه من دمك وعيلته شبه عيلتك،  بيتهم شبه بيتكم ، اللي مش شايفة  فيه عيوب اصلا لإنك حبتيها كلها ، اللي لما يتكلم بتسمعيله، وهو بيسمعلك ولما يهزر بتضحكي من قلبك ولما تهزري تلاقى الضحكة في عيونه، ولما يغيب تدوري عليه ويومك میكملش غير بيه و لما تزعلي يخاف عليكي وعلى زعلك، يحبك  و يهتم بيكي  ويحترمك مش مجرد عامل راجل عليكي.

 الجواز مش كل حاجة أهم حاجة الاختيار الصح، متزعليش عشان كبرتي ولا بيخوفوكي تعنسي والقطر يفوتك، طظ فيهم وفي قطرهم هتسمعى كلامهم و تتجوزى أي حد  والسلام، وانتي اللي هتواجهى وتتعبى ومش تلاقى حد جنبك، محدش هيحس بيكي غير نفسك، متستعجليش وترضى بأي جوازة انتى ملكة لحد ما يجي اللي يصونك و يبقى عشرة عمرك ويفتح نفسك ويلون الدنيا في عينك وينور وشك ويحلي ملامحك ويكون عارف  قيمتك

 غير كده لا لا لا .... ومليون لا كمان.