رسالة من شباب مصر لبنات مصر
احنا بنضيع سنين
شبابنا علشان بس ندور على الحلال معاكم ..
يكفي انك تعرفي ان أي شاب علشان يتجوز بيحتاج ف رينــج
80000الي 150000كـحـــد أدني ( شبكه ومهر و شقه وعفش وفرح و .. و .. ) في بلد رينج
الرواتب فيه 1200 جنيه، بلاش تحسبيها عشان متتصدميش
• العريس المصري هو الوحيد في العالم اللي لازم يتجوز وهو
مديون، وفي نفس الوقت اللي بيكون دورك فيه انك تصلي صلاة الاستخارة، وتانى يوم تبلغي
أهلك ان كنتي موافقه ولا لا،
صدقيني والله احنا بنحط معايير تانية لكرامتنا خصوصا بعد
الارتباط او الخطوبة، الشاب بيبقي حاسس أنه شايل مسئولية حد تانى غيره.
ممكن تلاقيه يستحمل رزالة مديره ف الشغل .. وممكن يستحمل
مشاكل الشغل وقرفه عشانك أو عشان هو مُطالب بحاجات مطلوب منه يجيبها في معاد محدد
.. لأنه لو اتأخر ممكن متكونيش ليه.
• بالمناسبة
99.9 % مننا مش مرتاحين ف شغلهم ويمكن يكونوا مش حابين الشغل ده اصلا بس مضطرين يكملوا،
ومادام مش لاقي الراحة في شغله .. خليه يلاقي الراحة ف بيته وتكوني انتي السبب فيها.
الشاب ممكن يشتغل سنه كاملة عشان يجيبلك كام جرام دهب تلبسيهم
في فرحك وعلشان متبقيش أقل من بنت عمك أو بنت الجيران، وممكن تلاقيه اشتغل سنه كاملة
بردوه علشان يعملك فرح ف قاعة محترمة، ويشتريلك فستان شيك مش هيتلبس غير مره وحدة في
العمر، احنا عارفين ان هي دي الفطرة .. والمفروض ان الراجل هو اللي يشتغل ويتعب وعارفين ان بعد الجواز الدور بيبقي مشترك بينهم، بس تفتكري
على قد ده كله الشاب ده يستاهل انك تكوني سبب في تعبه أو أنك تنكدي عليه.
الراجل بطبعه مبيحبش يشكي خصوصا لزوجته او خطيبته، علشان
هو مبيحبش يبان ليها انه مكسور؛ فبيكتم في نفسه ومبيتكلمش، فممكن يبانلك ان الدنيا
تمام معاه أوى وانتي اللي شايلة كل الهموم.
باختصار :-
الراجل ميقدرش يستغني عن زوجته لو حس أنها سبب راحته وسعادته
.. انما يقدر يستغني عنها لو كانت ملكة جمال الكون بس مش لاقي الراحة معاها.
عاش جداً
ردحذفعاش بجد استمري
ردحذف❤️